大近視一族常被形容「眼鏡如砧板咁厚」，用詞的確好誇張，但砧板給我們的印象就是「厚」和穩重。作為入廚好幫手，一味夠厚度唔夠，仲要睇得兼能屈能伸才夠競爭力，木木獨獨搵唔到食。


第一類：姿色分子

如閣下甚少下廚，相信家裏的砧板使用率甚低，間中只在切生果或麵包時才出動，這類又輕巧又花巧的砧板最適合你，因為它們大部分時間都用來擺，作為裝飾品也不錯。

花鼠砧板
$600（a）
意大利Creativando的創意產品，以夾層板壓成約有半厘米厚，適宜用作切芝士、肉腸及生果等。

第二類：屈得就屈


傳統木砧板雖然夠穩重，但切好食物後，要用手掌將食物慢慢移送到鍋內，過程頗「論盡」。近年新興的軟膠砧板，食物切好後可屈成兜狀，將食物一次過傾倒鍋中，方便利落。

七彩食物鏟
$165（小） $200（大）（a）
Joseph Joseph的funky力作「Chop 2 Pot」，在膠板切好食物，將手抦屈曲後膠板順勢變成鏟狀，食物粒順利倒進鍋中。

第三類：聰明能幹


三類型中，智慧型算是最受歡迎，款式簡約已夠撐。保留傳統砧板的優點，再加上貼心的設計，有姿勢又實際。

烤肉砧板 $290（a）
表面傾斜的設計，可將烤肉的肉汁流到邊緣，然後再倒起備用，做到cut & carve效果。

用膠定用木？


不同物料的砧板，各有優點，如何揀選合適的砧板，是取決於用砧板的頻率。如經常入廚切食物，建議選用木砧板，因木砧板愈用愈襟，但清潔較麻煩；如少入廚則可用膠砧板，因為清潔容易。一般家庭應備有兩塊生、熟用砧板，避免食物交叉感染。

用米水洗砧板


清洗木砧板不宜用清潔劑，因為會滲入木質影響質地。囍宴私房菜主理人Jacky Yu有個環保又有效的貼士：

「用洗米水浸砧板半小時，再用沸水淥一遍，就可以去油辟味，即刻乾淨晒！」

多謝小尾人提供

不過冇咁多洗米水喎

屋 企 唔 洗 " SK " 哥 哥 你 洗 米 至 掛

我 用 米 水 洗 呢 隻 砧 板 真 係 掂 架

原來砧板都要有研究，我都用緊膠同木兩款，咁你唔系用喱個魚形砧板既咩....

講起砧板，宜家都有d新科技產品，可以量埋重量添...

真係估唔到有咁多花款呢?

我 用 魚 型 砧 板 咪 即 係 斬 自 己 ~~ 唔 制

我 估 " 高 老 板 " 你 一 定 係 用 呢 隻 木 砧 板 喇

你 咁 同 d 兄 弟 燒 黃 紙

我 都 見 過 呢 個 有 量 重 功 能 既 砧 板

幾 得 意 ~~ 不 過 對 我 冇 乜 作 用

因 為 我 落 材 料 斷 估 只 係 隨 自 己 喜 好 落 幾 多

送 翻 個 古 董 比 " 高 老 板 " 你

咁 即 係 証 明 " V " 腦 督 你 齋 食 唔 下 廚

送 多 個 比 你 開 吓 眼 界 丫

多謝你個古董先，咁下次我做你個人肉砧板...嘿嘿！