吸引我來光顧，是店子的紅噹噹「熱戀」感覺，紅橙白三色再襯幾朵大花，非常搶眼，枱面放了一缸金魚，人們的心情頓時變得舒暢。餐牌列了菜式的材料、快樂指數、健康指數，甜品名字亦很花心思，例如南瓜三兄弟、紅豆三姊妹等等。除了主打的甜品，每日有兩款木桶飯供應，這天我和友人就點了麵醬薯絲銀鱈魚木桶蒸飯、洋甘菊觀音茶，預留空間吃甜品。

麵醬薯絲銀鱈魚木桶蒸飯，可以選擇紅糙米、糯米或金鳳絲苗米，紅糙米雖然健康，但味道較淡；糯米又太飽肚，於是我們選了絲苗米。侍應先端來一壺洋甘菊觀音茶，一個誇張得像藝術品的銀器茶壺，壺嘴很長很幼，斟茶時要小心翼翼。我喜歡洋甘菊觀音茶淡淡的滋味。

木桶飯來了，兼備時蔬一份和豆漿一杯，我這個汁醬怪誓要將白飯加色，倒了豉油後兜亂整碗飯，像吃煲仔飯一樣。白飯本身沒甚麼特別，特別在加入了薯茸，口感細軟，銀鱈魚也很嫩滑，吃完後才發現，其實麵醬本身已經夠鹹，不落豉油也夠味。

起初看酥皮焗、燉大良鮮奶的名字，以為是兩種製法的燉奶，殊不知竟是酥皮龍蝦湯的酥皮加在燉奶之上，非常有創意。這裡的酥皮燉鮮奶用木架盛載著，不會燙手，酥皮雖然微焦，但不失牛油香味。與喝酥皮龍蝦湯一樣，我不會將整塊酥皮壓進湯內，像一塊濕了的洗碗布，為了保持它美態，我會吃一匙燉奶加一小塊酥皮，酥皮又脆又香，鮮奶又甜又滑，甚是滿足。

熱戀滋味生活館

菜式: 港式
電話: 24121616
地址: 荃灣 蕙荃路22-66號綠楊坊2樓S25-26舖

都未初戀,咁快就同我熱戀呀小公主

虾 ~~ 你 條 先 生 丫

句 句 窒 住 晒 呀 吓

小尾人又有好介紹

得閒去試試

好 丫 ~~ 試 左 翻 黎 話 我 知 丫 " SK " 哥 哥

小公主妳又唔知人家想同妳做好好好朋友wor

喱間野又幾有卓頭喎！咁既名都比佢改到，搞到我都想去試下添，唔該晒小美人....

哈 哈 ~~ 我 同 先 生 你 已 經 係 好 朋 友 啦

唔 好 搵 d 珊 瑚 嚇 我 就 得 喇 ~~ 我 唔 驚 架

仲 以 為 " 高 老 板 " 你 試 過 添

咁 都 比 你 搵 倒 d 相 ~~ 好 利 害 啊

有幾利害丫！都系多得你好介紹...